ايهما أفضل بلاستيك رقم 5 ام زجاجات البلاستيك رقم 7 في حفظ المياه

يسأل الكثير حول ايهما أفضل بلاستيك رقم 5 ام زجاجات البلاستيك رقم 7 في حفظ المياه، لأن هناك منشور انتشر حول هذا الموضوع وهو
لازم تقرا وتعمل شير كمان
بصوا الموضوع باختصار اني كنت فى أحد المولات المشهورة المهم وصلنا لقسم كان فيه زجاجات بلاستيك الزجاجات دى المفروض انها بتتباع عشان تتعبى ماية وتشرب منها لان مش اى زجاجة بلاستيك نقدر نعبيها ونشرب منها فى انواع بتصنع من مواد سامة او بتتفاعل مع الماية وبتسبب امراض منها السرطان نفس الكلام مع الاطباق البلاستيك او الفوم مش اى نوع نقدر نحط فيها اكل لان بردوا بيحصل تفاعل مع الاكل والسخونة وبتسبب امراض ..

ما هو البلاستيك رقم 7


اى زجاجة بلاستيك او طبق بلاستيك لازم يكون فيهم ختم صغير عبارة عن مثلث جوة المثلث رقم صغير والارقام دى بتختلف بداية من 1 لحد 7 كل رقم له معنى بيدل على نوع البلاستيك المستخدم فى التصنيع وعلى اساسه بنعرف اذا كان النوع صالح للاستخدام نشرب او ناكل فيه او انه سام نبعد عنه.

انا مكنتش هشترى لكن الفضول خلانى امسك اكتر من زجاجة كانوا تصنيع " فيتنامي " مختومين برقم "7 " الرقم ده معناه ان الزجاجة تم تصنيعها من مواد مختلفه غير معروفه والنوع ده مينفعش يتعمل منه زجاجة شرب او طبق للاكل ولو اتعمل منه مينفعش حد يستخدمه لان المواد لان زى ما قولنا مصنع من مواد كتير ولازم نتجنب استخدامه وفى رضاعات اطفال بتتصنع منها بس دى بتكون امنه فى حالة ان كان مكتوب عليها BPA-free bottles وبتكون فى الحالة دى خالية من البيسفينول
استغرب جدا مسكت زجاجة تانية شكلها مختلفه لقيتها بردوا " فيتنامي " وواخده نفس الرقم " 7 " مكنش فى حد فى القسم عشان اساله ازاى زجاجات زى دى محطوطة هنا وبتتباع للشرب.

وبرغم من كده كان فى زجاجات تانية جمبها واخده رقم " 5 " ودى امانه للاستخدام وسعرها اغلى من اللى كانت واخده رقم 7
ولازم قبل ما تخلص تقرا الموضوع في الرابط هذا المفيد جداً عن البلاستيك رقم 7.

أتمنى لكم أن تسفيدوا من هذا المقال عن البلاستيك وتكونوا عرفتم  ايهما أفضل بلاستيك رقم 5 ام زجاجات البلاستيك رقم 7 في حفظ المياه.

تعليقات

المشاركات الشائعة من هذه المدونة

تعليم الرسم بسيطة وجميلة للمُبتدئين خطوة خطوة

الاهتمام بالصحة يبدأ من الشعر حتى القدم